Батыс Қазақстан облысы Ақжайық ауданының Жұбан Молдағалиев ауылында 232-ші «Ауыл құтқарушылары» ерікті өртке қарсы құрылымы ашылды. Жаңа өрт сөндіру бекеті екі елді мекенге, Жұбан Молдағалиев ауылының өзіне және Сайқұдық ауылына қызмет көрсетіп, 1400-ден астам тұрғынның қауіпсіздігін қамтамасыз етеді.
Салтанатты ашылу рәсіміне Төтенше жағдайлар департаментінің бастығы Жанболат Жаншин, Ақжайық ауданының әкімі Мұрат Сердалин, жеке құрам, ауыл тұрғындары мен қонақтары қатысты.
Бекет жергілікті атқарушы органдардың қолдауымен тұрғызылды және тәулік бойы кезекшілікті ұйымдастыру үшін толық жабдықталған. Жеке құрамның қызметті жайлы өткізуі үшін демалыс бөлмелері, асхана, қызметтік кабинеттер, сондай-ақ өрт сөндіру техникасын орналастыруға арналған гараж боксы қарастырылған. Ғимарат тәулік бойы қызмет етуге қажеттінің бәрімен жабдықталған: өрт сөндіру техникасына арналған бокс, диспетчерлік бөлме, қызметтік және тұрмыстық бөлмелер, соның ішінде демалыс бөлмесі мен асхана бар.
Бөлімшенің толыққанды жұмыс істеуі үшін ТЖМ оны қажетті техникамен, байланыс құралдарымен және киім-кешекпен қамтамасыз етті. Ең бастысы, өрт сөндіру автоцистернасы, өрт сөндірушінің төрт жауынгерлік киім жиынтығы және радиостанция берілді, бұл жүктелген міндеттерді тиімді орындауға мүмкіндік береді. Нысанның пайдалануға берілуі төтенше жағдайларға жедел әрекет етуді және ауылдық жерлерде табиғи әрі дала өрттерінің алдын алу тиімділігін арттырады.