Батыс Қазақстан облысы Казталов ауданының Болашақ ауылында 233-ші «Ауыл құтқарушылары» ерікті өртке қарсы құрылымы ашылды. Жаңа өрт сөндіру бекеті 1500-ден астам тұрғынның қауіпсіздігін қамтамасыз ете отырып, 5 елді мекенге: Болашақ ауылының өзіне және Көпкүтір, Жаңатан, Аққұрай, Хайруш ауылдарына қызмет көрсететін болады.
Салтанатты ашылу рәсіміне Төтенше жағдайлар департаментінің бастығы Жанболат Жаншин, Казталов ауданы әкімінің орынбасары Серік Қайырлиев, жеке құрам, ауыл тұрғындары мен қонақтары қатысты.
Бекет жергілікті атқарушы органдардың қолдауымен бой көтерді және тәулік бойы кезекшілікті ұйымдастыру үшін толық жабдықталған. Ғимаратта өрт сөндіру техникасын орналастыруға арналған бокс, диспетчерлік бөлме, қызметтік кабинеттер, сондай-ақ демалыс бөлмесі мен асхананы қоса алғанда тұрмыстық-жайлар қарастырылған. Барлық қажетті жағдайлар жеке құрамның тәулік бойы режимде қызметін жайлы атқаруын қамтамасыз етеді.
Бөлімшенің толыққанды жұмысын қамтамасыз ету үшін ТЖМ оны қажетті техникамен, байланыс құралдарымен және арнайы жабдықтармен қамтамасыз етті. Оның иелігіне өрт сөндіру автоцистернасы, радиостанция және өртсөндірушінің жауынгерлік киімінің төрт жиынтығы берілді, бұл жеке құрамға халықты мен аумақтарды төтенше жағдайлардан қорғау жөніндегі міндеттерді тиімді орындауға мүмкіндік береді.