Әлеуметтік желілерде «Іле-Балқаш» мемлекеттік табиғи резерватының аумағына жіберілген жолбарыс түсірілген деген тұжырыммен фотосурет таралуда. Бұл ақпарат шындыққа жанаспайды. Жарияланған кескінде жасанды интеллект (AI) технологияларын пайдалану арқылы жасалған болуы мүмкін екенін көрсететін белгілер бар. Ерікке жіберілген аналық жолбарыс спутниктік GPS-қарғыбаумен жабдықталған. «Іле-Балқаш» мемлекеттік табиғи резерватының мамандары оның орналасқан жері мен жағдайына тәулік бойы мониторинг жүргізеді. Сондықтан жануардың кездейсоқ тіркелгені туралы ақпарат шындыққа жанаспайды. Азаматтар мен бұқаралық ақпарат құралдарының өкілдерін ақпаратты тарату алдында оның шынайылығын тексеруге және тек ресми дереккөздерді пайдалануға шақырамыз. Көрінеу жалған ақпаратты тарату, сондай-ақ шынайы емес фото және бейнематериалдарды жариялау Қазақстан Республикасының заңнамасында көзделген жауапкершілікке әкеп соғуы мүмкін екенін ескертеміз.